राष्ट्रिय स्वतन्त्र पार्टी (रास्वपा) का सभापति रवि लामिछानेले सिंहदरबार जलाउने र बालबालिकालाई गोली हान्ने कार्य एउटै समूहले गरेको आरोप लगाएका छन्। शुक्रबार चितवनमा आयोजित चुनावी सभामा लामिछानेले भने, जेनजी आन्दोलनमा बालबालिकालाई गोली हानिएपछि सिंहदरबार जलेको हो।
उनले स्पष्ट पारे, “सिंहदरबार त्यसैले जल्यो, जसले यसलाई भ्रष्टाचारको अखडा बनायो र बालबालिकालाई गोली ठोक्यो। सिंहदरबार जलाउने र बालबालिकालाई गोली हान्ने एउटै समूह, एउटै व्यक्ति र एउटै जात हुन्। अरू कोही होइन।”
लामिछानेले थपे, अब आफूहरूले सिंहदरबार निर्माण र सुधार दुवै गर्ने बताए। “सिंहदरबार बनाउँछौँ पनि, बदल्छौँ पनि,” उनले भने।
प्रतिकृया