पेट्रोलको मूल्य ५ रुपैयाँले बढ्यो, अब प्रतिलिटर कति तिर्नुपर्छ ?

नेपाल आयल निगमले पेट्रोलियम पदार्थको मूल्य बढाएको छ। निगमका अनुसार हिजो (सोमबार) रातिदेखिनै लागू हुने गरी पेट्रोलमा प्रतिलिटर ५ रुपैयाँ र डिजेल तथा मट्टितेलमा प्रतिलिटर ४ रुपैयाँले मूल्य वृद्धि गरिएको हो।

मूल्यवृद्धिको कारण इन्डियन आयल कर्पोरेशनबाट मूल्य बढेर आएको जनाइएको छ। त्यसअनुसार, अब पेट्रोलको नयाँ मूल्य प्रतिलिटर १६५ रुपैयाँ, र डिजेल तथा मट्टितेलको मूल्य प्रतिलिटर १४९ रुपैयाँ पुगेको छ।