तेह्रथुम पावर कम्पनी लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण प्रकाशित गरेको छ। वित्तीय विवरण अनुसार कम्पनीको खुद नाफा बढेर २ करोड २० लाख रुपैयाँमा पुगेको छ। अघिल्लो वर्षको सोही अवधिमा कम्पनीले १ करोड ९६ लाख रुपैयाँ घाटा व्यहोरेको थियो।
यस अवधिमा कम्पनीको विद्युत बिक्री आम्दानी १० करोड २४ लाख रुपैयाँबाट बढेर १२ करोड १३ लाख रुपैयाँ पुगेको छ। यता, वित्तीय खर्च ५ करोड ६० लाख रुपैयाँ पुगेको छ। कम्पनीको प्रशासनिक खर्च २८ लाख ९३ हजार र बिक्री खर्च ४ करोड ३० लाख रुपैयाँ रहेको छ। कम्पनीको वित्त खर्च घट्दा नाफा बढेको हो।
यस जलविद्युत कम्पनीको चुक्ता पुँजी ४० करोड रुपैयाँ रहेको छ। समीक्षा अवधिमा कम्पनीको प्रति सेयर आम्दानी (ईपीएस) ७ रुपैयाँ ३६ पैसा र प्रतिसेयर नेटवर्थ ६१ रुपैयाँ ३० पैसा छ।
कम्पनीले भर्खरै धितोपत्र बोर्डबाट १०० प्रतिशत हकप्रद जारी गर्ने अनुमति पाएको थियो।
प्रतिकृया