सुदन गुरुङको समूहले प्रधानमन्त्री कार्कीको राजीनामा माग्दै बालुवाटारमा गरे नाराबाजी

प्रधानमन्त्री सुशीला कार्कीको राजीनामा माग्दै सुदन गुरुङ नेतृत्वको ‘हामी नेपाल’ समूहले मध्यराति बालुवाटार अगाडि नाराबाजी गरेको छ। मन्त्री छनोटप्रति असन्तुष्ट युवाहरूले ‘प्रधानमन्त्री राजीनामा दे’ र ‘मुर्दामाथि राजनीति नगर’ जस्ता नारा लगाएका थिए।

सुदन गुरुङले जनता सबैभन्दा शक्तिशाली भएको चेतावनी दिँदै नियुक्त मन्त्रीहरूबारे असन्तुष्टि जनाए।

Ads

कार्कीले कानुनी सल्लाहकार ओमप्रकाश अर्याललाई गृहमन्त्री, पूर्वअर्थसचिव रामेश्वर खनाललाई अर्थमन्त्री र पूर्वप्रमुख कुलमान घिसिङलाई ऊर्जा मन्त्री नियुक्त गरेकी थिइन्। तर सल्लाह नगरी निर्णय गरिएको भन्दै सुदन समूह आक्रोशित भयो।

आन्दोलन हाइज्याक भएको भन्दै समर्थक आक्रोशित भएपछि सुरक्षाकर्मीको तैनाथी बढाइएको छ।