प्रधानमन्त्री बालेनले ईयू राजदूतहरूसँग आज सामूहिक भेटवार्ता गर्ने

प्रधानमन्त्री बालेन्द्र शाह (बालेन)ले आज नेपालस्थित युरोपेली संघ (ईयू)मा आबद्ध देशका गैरआवासीय राजदूत तथा मिसन प्रमुखहरूसँग सामूहिक भेटवार्ता गर्ने भएका छन्।

प्रधानमन्त्री तथा मन्त्रिपरिषद्को कार्यालयमा बिहान ११ः३० बजे हुने उक्त भेटमा उनीहरूसँग संयुक्त छलफल र संवाद गर्ने कार्यक्रम तय गरिएको प्रधानमन्त्रीको सचिवालयले जनाएको छ।

Ads

प्रधानमन्त्री शाहका प्रेस तथा अनुसन्धानविज्ञ दीपा दाहालका अनुसार भेटका क्रममा नेपालको वर्तमान प्राथमिकताबारे जानकारी दिने, द्विपक्षीय सम्बन्ध सुदृढ बनाउने तथा आपसी सहकार्यका विविध विषयमा छलफल केन्द्रित हुने बताइएको छ।

यसअघि गत चैत २५ गते पनि प्रधानमन्त्री शाहले नेपालस्थित विभिन्न देशका राजदूत तथा कूटनीतिक नियोग प्रमुखहरूसँग यस्तै प्रकारको सामूहिक भेट तथा संवाद गरेका थिए।