नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ले बौद्धिक पलायन रोक्न विद्यालय तहदेखि नै सीपमूलक र व्यवहारिक शिक्षा आवश्यक रहेको बताएका छन्। उनले प्याब्सनद्वारा आयोजित तेस्रो अन्तर्राष्ट्रिय शैक्षिक सम्मेलनमा सम्बोधन गर्दै युवामा स्वाभिमान, सिर्जनशीलता, र आत्मनिर्भरता विकास गर्नुपर्नेमा जोड दिए।
उनले शिक्षालाई श्रमप्रति सम्मान, देशप्रेम, र नवप्रवर्तनमा आधारित बनाउनुपर्ने भन्दै गुणस्तरीय र विश्वस्तरीय शिक्षा प्रणालीले मात्रै देशलाई शिक्षित र समृद्ध बनाउन सकिने बताए। प्रचण्डले निजी र सरकारी क्षेत्रबीचको साझेदारीले शिक्षाको गुणस्तर सुधार्ने र समावेशी अवसर सिर्जना गर्ने धारणा राखे।
उनले संघीय शिक्षा ऐन छिट्टै संसदबाट पारित गराउने प्रतिबद्धता जनाउँदै, निजी विद्यालयहरूको सञ्चालन र व्यवस्थापनलाई कानुनी दिशानिर्देश गर्ने बताए। सम्मेलनमा पाँच सयभन्दा बढी सहभागी रहेका छन्।
प्रतिकृया