हारभन्दा जित सहन गाह्रो हुन्छ भन्दै प्रचण्डले रास्वपालाई दिए यस्तो राजनीतिक अर्ती

पुष्पकमल दाहाल ‘प्रचण्ड’ ले राष्ट्रिय स्वतन्त्र पार्टी लाई आफ्नो राजनीतिक अनुभवबाट सिक्न सुझाव दिएका छन् । मंगलबार प्रतिनिधिसभा बैठकमा बोल्दै उनले २०६४ सालको निर्वाचनमा तत्कालीन नेकपाले अहिले रास्वपाले जस्तै ठूलो जनसमर्थन प्राप्त गरे पनि त्यसलाई दीर्घकालीन रूपमा जोगाउन नसकेको स्मरण गराए ।

उनले चुनाव जित्नुभन्दा जितलाई टिकाइराख्न कठिन हुने उल्लेख गर्दै जनताको विश्वास कायम राख्न नसक्दा पार्टी कमजोर बन्न पुगेको बताए । “०६४ सालमा तपाईंहरूजस्तै धेरै मत ल्याएर भाँडोमा न भुइँमा भएको नेता म हुँ । हारभन्दा जित सहन गाह्रो हुन्छ ,” उनले भने ।

Ads

Ads

Ads

प्रचण्डले जनताको समर्थन सधैं स्थायी नहुने र त्यो शर्तसहित आउने बताए । जनअपेक्षाअनुसार काम गर्न नसके समर्थन तुरुन्तै घट्न सक्ने उल्लेख गर्दै उनले रास्वपालाई विगतबाट पाठ सिक्न आग्रह गरे । साथै उनले राजनीति निषेध, अपमान र प्रतिशोधभन्दा पनि विश्वास र सहकार्यका आधारमा अघि बढ्नुपर्ने धारणा राखे ।