मन्दाकिनी हाइड्रोपावरको नाफामा सुधार, करिब २३ प्रतिशतले बढ्यो नाफा

मन्दाकिनी हाइड्रोपावर लिमिटेडले आर्थिक वर्ष २०८०/८१ को चौथो त्रैमाससम्ममा ३ करोड ९८ लाख रुपैयाँ खुद नाफा कमाएको छ। अघिल्लो वर्षको सोही अवधिमा कम्पनीको नाफा ३ करोड २४ लाख रुपैयाँ रहेको थियो। जस अनुसार,  कम्पनीको नाफा २२.९४ प्रतिशतले बढेको हो।

कम्पनीको विद्युत बिक्री आम्दानी १.५१ प्रतिशतले, सञ्चालन मुनाफा ४.४१ प्रतिशतले र वित्तीय आम्दानी २५.२५ प्रतिशतले बढेको छ। त्यस्तै, वित्तीय खर्च १८.६५ प्रतिशतले घटेको छ। हाल कम्पनीको चुक्ता पूँजी ६४ करोड ६७ लाख रुपैयाँ रहेको छ भने अन्य इक्विटीमा ४ करोड ६१ लाख रुपैयाँ सञ्चित रहेको छ।

Ads

Ads

Ads

नाफासँगै कम्पनीको प्रतिसेयर आम्दानी पनि बढेको छ। समीक्षा अवधिमा प्रतिसेयर ९० पैसा बढेर ६ रुपैयाँ १७ पैसा पुगेको छ। कम्पनीको प्रतिसेयर नेटवर्थ १०७ रुपैयाँ १३ पैसा र मूल्य आम्दानी अनुपात ९७.६३ गुणा रहेको छ।

अन्य कम्पनीहरूको चौथो त्रैमासको वित्तीय विवरण सहज रूपमा पढ्न हामीलाई Facebook मा Follow गर्नुहोस्।