एभरेष्ट कलर लिमिटेडको सामूहिक लगानी कोष (म्युचुअल फन्ड) का लागि छुट्याइएको ३९ हजार ५०० कित्ता साधारण सेयरको लकइन अवधि आगामी पुस ३ गते समाप्त हुने भएको छ।
कम्पनीका अनुसार प्रतिकित्ता १०० रुपैयाँ अंकित मूल्यका यी सेयरको कुल मूल्य ३९ लाख ५० हजार रुपैयाँ रहेको छ। उक्त सेयर २०८३ असार ४ गते बाँडफाँड गरिएको थियो।
सार्वजनिक निष्काशनमार्फत बाँडफाँड भएको मितिले ६ महिनासम्म लकइनमा राख्नुपर्ने व्यवस्थाअनुसार यी सेयरको लकइन अवधि २०८३ पुस ३ गते (डिसेम्बर १८, २०२६) मा समाप्त हुनेछ।
यद्यपि, सामूहिक लगानी कोषका दुईवटा योजना परिपक्व भइसकेकाले ती योजनाको स्वामित्वमा रहेका १ हजार १९७ कित्ता सेयर भने लकइन अवधि समाप्त हुनुअघि नै फुकुवा गरिएको कम्पनीले जनाएको छ। यो फुकुवा नेपाल धितोपत्र बोर्डको २०८० कात्तिक २० गतेको पत्रमा उल्लेखित व्यवस्थाबमोजिम गरिएको हो।

प्रतिकृया