काठमाडौं भ्यू टावरका ठेकेदार मनोजकुमार भेटवाल चेक बाउन्सको उजुरीका आधारमा गत १३ असारमा पक्राउ परेका थिए। तर, अदालतले म्याद थप नगरेपछि उनी १९ असारमा रिहा भएका हुन्।
उनी पक्राउ परेपछि सोही दिनबाट गणना गरी १५ असारमा ६ दिनको म्याद थप गरिएको थियो। पक्राउ परेलगत्तै भेटवाल अस्पताल भर्ना भएका थिए र अस्पतालबाटै म्याद थपका लागि जिल्ला अदालत काठमाडौं उपस्थित भएका थिए।
तर, जिल्ला प्रहरी परिसर काठमाडौंका एसपी अपील राज बोहराका अनुसार स्वास्थ्यका कारण अदालतले म्याद थप नगरेको हो। एसपी बोहराले भने, “स्वास्थ्यको कारण देखाउँदै अदालतबाट म्याद थप भएन, त्यसपछि हामीले केही गर्न सकेनौं।”
भेटवालमाथि करिब १० करोड रुपैयाँको चेक बाउन्स आरोप लागेको थियो।
प्रतिकृया