काठमाडौं जिल्ला अदालतले फिल्म ‘एक्टर: टेक वन’ को प्रदर्शन रोक्न अल्पकालीन आदेश जारी गरेको छ। अदालतका २८ नम्बर न्यायाधीश ढाकाराम पौडेलको इजलासले शुक्रबार यो आदेश जारी गरेको थियो।
निर्देशक राजन भुसालद्वारा निर्मित फिल्म ‘एक्टर: टेक वन’ आगामी बुधबारदेखि प्रदर्शनका लागि तयार थियो। तर, ‘एक्टर’ फिल्मका निर्माताले उक्त फिल्मको प्रदर्शन रोक्न अदालतमा रिट दायर गरेपछि अदालतले अल्पकालीन आदेश जारी गरेको हो।
अदालतले दुवै पक्षलाई छलफल गर्न २२ माघमा बोलाएको छ। यसबारेको निर्णय पछि हुने बताइएको छ।
विवाद फिल्मको नामलाई लिएर शुरु भएको हो। दायर गरिएको रिटमा भनिएको छ कि ‘एक्टर: टेक वन’ ले ‘एक्टर’ फिल्मको नाम र कथावस्तु नक्कली तरिकाले प्रयोग गरेको छ, जसका कारण चलचित्र विकास बोर्ड, निर्माता कम्पनी अदृत फिल्म्स र मोती फिल्म्सलाई विपक्षी बनाइएको छ।
प्रतिकृया