चीन गएर नेपालको प्रतिष्ठा माथि उठाउने गरी काम गर्छु: प्रधानमन्त्री ओली

प्रधानमन्त्री केपी शर्मा ओलीले आसन्न चीन भ्रमणबारे प्रतिनिधि सभालाई जानकारी गराएका छन्।

संसदको जारी बैठकमा उनले चीनका राष्ट्रपति सी चिनफिङको मैत्रीपूर्ण निमन्त्रणामा नेपाली प्रतिनिधिमण्डलको नेतृत्व गर्दै भदौ १४ देखि १८ गतेसम्म पाँच दिने चीन भ्रमण गर्ने बताए।

Ads

उनका अनुसार भ्रमणको मुख्य उद्देश्य चीनको थियानजिन शहरमा आयोजना हुने शाङ्घाई सहयोग संगठन (SCO) को शिखर सम्मेलनमा सहभागिता जनाउनु हो।

भ्रमणबारे जानकारी गराएपछि प्रधानमन्त्रीले भने, ‘नेपालको हित र प्रतिष्ठालाई माथि उठाउने गरी मेरो नेतृत्वमा गएको प्रतिनिधिमण्डलले काम गर्नेछ । त्यसमा विश्वस्त रहन आग्रह गर्छु ।’