ग्रीन भेन्चर्सको लाभांश घोषणा, बुक क्लोज कहिले ?

ग्रीन भेन्चर्स लिमिटेडले गत आर्थिक वर्षको मुनाफाबाट प्रस्तावित लाभांश पारित गर्न पुस २८ गते साधारण सभा बोलाएको छ। सभा काठमाडौंको रानी महल ब्याङक्वेट, ज्ञानेश्वरमा बिहान ११ बजे सुरु हुनेछ। साधारण सभाले हाल कायम रहेको चुक्ता पूँजीको १० प्रतिशत बोनस शेयर र कर प्रयोजनका लागि ०.५२ प्रतिशत नगद लाभांश वितरण गर्ने प्रस्ताव पारित गर्नेछ।

साधारण सभा र लाभांश वितरण प्रयोजनका लागि कम्पनीले पुस १४ गते बुकक्लोज गर्ने निर्णय गरेको छ। यस अनुसार, पुस १३ गतेसम्म नेप्सेमा कारोबार गरी कायम भएका सेयरधनीहरूले लाभांश प्राप्त गर्न र सभामा सहभागी हुन सक्नेछन्।

Ads

Ads

Ads