मौद्रिक नीतिको पहिलो त्रैमासिक समीक्षा सार्वजनिक, नीतिगत दर अपरिवर्तित

नेपाल राष्ट्र बैंकले शुक्रबार आर्थिक वर्ष २०८१/८२ को मौद्रिक नीतिको पहिलो त्रैमासिक समीक्षा सार्वजनिक गरेको छ। यस समीक्षामा बैंकले नीतिगत दरमा कुनै पनि परिवर्तन नगर्ने निर्णय गरेको छ।

राष्ट्र बैंकले ५ प्रतिशतको नीतिगत दर, ३ प्रतिशतको निक्षेप संकलन दर, र ब्याजदर कोरिडोरको माथिल्लो सीमा ६.५ प्रतिशतमा यथावत राख्ने निर्णय गरेको छ। साथै, अनिवार्य नगद मौज्दात र बैधानिक तरलता अनुपातमा पनि कुनै परिवर्तन गरिएको छैन।