क्रेष्ट माइक्रो लाइफ इन्स्योरेन्स लिमिटेडले दोस्रो वार्षिक साधारण सभा आउँदो जेठ २३ गते, बिहान ११ बजे, सुर्खेतस्थित कम्पनीको रजिष्टर्ड कार्यालयमा आह्वान गरेको छ।
सभामा अघिल्लो आर्थिक वर्षको वार्षिक प्रतिवेदन र वित्तीय विवरणहरू पारित गरिनेछ। साथै, चालू आर्थिक वर्षका लागि लेखापरीक्षकको नियुक्ति गरी पारिश्रमिक निर्धारण गर्ने प्रस्ताव पनि सभाले पारित गर्नेछ।
त्यसैगरी, सर्वसाधारण सेयरधनीहरूको तर्फबाट प्रतिनिधित्व गर्ने दुई जना सञ्चालकहरूको निर्वाचन समेत साधारण सभाबाट गरिनेछ।
सभा प्रयोजनका लागि कम्पनीले जेठ ९ गते बुक क्लोज गर्ने निर्णय गरेको छ। त्यस अनुसार, जेठ ८ गतेसम्म कायम रहेका सेयरधनीहरू मात्र सभामा सहभागी हुन योग्य हुनेछन्।
प्रतिकृया