महाधिवेशन उद्घाटनअघि आज कांग्रेसले जुलुस निकाल्ने, कहाँ कहाँ पर्छ जाम ?

रुट नम्बर १
जम्मा हुने स्थान : सुन्धारा
यस रुटमा चितवन, अर्घाखाँची, नवलपुर तथा सुदूरपश्चिमका जिल्लाबाट आएका कांग्रेस नेता–कार्यकर्ता सहभागी हुनेछन्। साथै काठमाडौं निर्वाचन क्षेत्र नम्बर ८, ९ र १० का नेता–कार्यकर्ताको पनि सहभागिता रहनेछ। जुलुस सुन्धाराबाट वीर अस्पताल, रत्नपार्क र पुरानो बसपार्क हुँदै भृकुटीमण्डप प्रवेश गर्नेछ।

रुट नम्बर २
जम्मा हुने स्थान : रत्नपार्क
रत्नपार्कबाट निस्कने जुलुसमा नुवाकोट, रसुवा, धादिङ तथा काठमाडौंको उत्तरी भेगका साथै काठमाडौं निर्वाचन क्षेत्र नम्बर ५, ६ र ७ का नेता–कार्यकर्ता सहभागी हुनेछन्। यो जुलुस रत्नपार्कबाट पुरानो बसपार्क हुँदै विशेष महाधिवेशन स्थल भृकुटीमण्डप पुग्नेछ।

रुट नम्बर ३
जम्मा हुने स्थान : पद्मकन्या क्याम्पस
यस रुटको जुलुसमा बाँके, बर्दिया, धनुषा, सप्तरी, सिरहा, महोत्तरी, सर्लाही, रौतहट, बारा र पर्साबाट आएका नेता–कार्यकर्ता सहभागी हुनेछन्। साथै काठमाडौंका निर्वाचन क्षेत्र ५, ६ र ७ का सबै नेता–कार्यकर्ता पनि यही जुलुसमा रहनेछन्। जुलुस पद्मकन्या क्याम्पसबाट पुतलीसडक, शंकरदेव क्याम्पस र पद्मोदय मोड हुँदै भृकुटीमण्डप प्रवेश गर्नेछ।

रुट नम्बर ४
जम्मा हुने स्थान : शंकरदेव क्याम्पस
पुतलीसडकस्थित पद्मोदय–शंकरदेव क्याम्पसलाई यस रुटको जम्मा हुने स्थान तोकिएको छ। भक्तपुर, काभ्रे, दोलखा, रामेछाप, सिन्धुपाल्चोक, सिन्धुली तथा काठमाडौं निर्वाचन क्षेत्र नम्बर २ र ३ का नेता–कार्यकर्ता यस जुलुसमा सहभागी हुनेछन्। जुलुस शंकरदेव क्याम्पसबाट पुतलीसडक र पद्मोदय मोड हुँदै भृकुटीमण्डप प्रवेश गर्नेछ।

रुट नम्बर ५
जम्मा हुने स्थान : कमलपोखरी
यस रुटमा काठमाडौं निर्वाचन क्षेत्र नम्बर १ र ४ का नेता–कार्यकर्ता कमलपोखरीमा जम्मा भई चारखाल अड्डा, डिल्लीबजार, पुतलीसडक र शंकरदेव क्याम्पस हुँदै भृकुटीमण्डप प्रवेश गर्नेछन्।

रुट नम्बर ६
जम्मा हुने स्थान : कुपण्डोल
ललितपुरको कुपण्डोलबाट निस्कने जुलुसमा ललितपुर र मकवानपुरका नेता–कार्यकर्ताको सहभागिता रहनेछ। जुलुस कुपण्डोल, थापाथली, त्रिपुरेश्वर, सुन्धारा, वीर अस्पताल, रत्नपार्क तथा पुरानो बसपार्क हुँदै भृकुटीमण्डप प्रवेश गर्नेछ।