प्रतिनिधि सभामा आज बजेटमाथि छलफल सुरु हुँदै

प्रतिनिधि सभाको दोस्रो अधिवेशनअन्तर्गत आज बस्ने बैठकमा आगामी आर्थिक वर्ष २०८३/०८४ को बजेटमाथि छलफल सुरु हुने भएको छ।

संसद् सचिवालयद्वारा सार्वजनिक कार्यसूचीअनुसार सोमबार दिउँसो १ बजे बस्ने सोह्रौँ बैठकमा अर्थमन्त्री डा. स्वर्णिम वाग्लेले ‘आ.व. २०८३/०८४ को राजस्व र व्ययको वार्षिक अनुमानमाथि सामान्य छलफल प्रारम्भ गरियोस्’ भन्ने प्रस्ताव प्रस्तुत गर्नेछन्।

उक्त प्रस्ताव प्रस्तुत भएपछि सांसदहरूले बजेटमाथि आ–आफ्नो धारणा राख्दै छलफलमा भाग लिने कार्यक्रम रहेको छ।