संसद् विघटन तत्काल फिर्ता लिइयोस् भन्दै ८ दलले निकाले संयुक्त विज्ञप्ति

विघटित प्रतिनिधिसभाका ८ वटा राजनीतिक दलहरूले प्रतिनिधिसभा विघटनलाई असंवैधानिक ठहराएका छन्। नेपाली कांग्रेस, नेकपा एमाले, नेकपा माओवादी केन्द्र, नेकपा एकीकृत समाजवादी, जसपा, जनमत पार्टी, लोकतान्त्रिक समाजवादी पार्टी र नागरिक उन्मुक्ति पार्टीले संयुक्त विज्ञप्ति जारी गर्दै प्रतिनिधिसभा विघटनलाई संविधानमाथिको प्रहार भनेका छन्।

विज्ञप्तिमा भनिएको छ, “यस्तो कार्यले जनताको मताधिकार अवमूल्यन गर्दै संवैधानिक सर्वोच्चता र संविधानमाथि प्रहार गरेको छ।”