हिमालयन बैंकले गत आर्थिक वर्ष २०८०/८१ को चौथो त्रैमासिकसम्मको अपरिस्कृत वित्तीय विवरणमा प्रकाशित गरेको छ। गत आर्थिक वर्षको अन्त्यसम्ममा बैंकको खुद नाफा ८१.६०% प्रतिशतले बढेको छ।
यस्तो छ बैंकको प्रमुख वित्तीय सूचकहरुको परिदृश्य:
खुद नाफा:
बैंकले अघिल्लो आर्थिक वर्षको आषाढ मसान्त सम्ममा १ अर्ब ५६ करोड खुद नाफा कमाएको थियो जुन गत आर्थिक वर्षको सोही अवधिमा ८१.६०प्रतिशतले बढेर २ अर्ब ८३ करोड रुपैयाँ पुगेको छ।
सञ्चालन मुनाफा:
बैंकको सञ्चालन मुनाफा ६७.४३ प्रतिशतले बढेर ५ अर्ब १३ करोड रुपैयाँ पुगेको छ। बैंकले अघिल्लो आर्थिक वर्षको सोही अवधिमा ३ अर्ब ८ करोड रुपैयाँ कमाएको थियो।
खराब कर्जा अनुपात:
अघिल्लो आर्थिक वर्षको तुलनामा गत आषाढ मसान्त सम्ममा बैंकको खराब कर्जा अनुपात झिनो अन्तरले घटेको छ। अघिल्लो आर्थिक वर्षमा बैंकको खराब कर्जा अनुपात ४.९३ प्रतिशत थियो जुन घटेर ४.९१ प्रतिशतमा आएको छ।
निक्षेप संकलन र कर्जा प्रवाह:
बैंकको निक्षेप संकलन र कर्जा प्रवाह दुवै बढेको छ। बैंकले चौथो त्रैमासिक सम्ममा २ खर्ब ९३ अर्ब निक्षेप संकलन गरी २ खर्ब ३२ अर्ब रुपैयाँ कर्जा प्रवाह गरेको छ।
जगेडा कोष:
बैंकको जगेडा कोषको आकार बढेको छ। आषाढ मसान्त सम्ममा बन्नको जगेडा कोषमा २२ अर्ब ४४ करोड रहेको छ।
इम्पेयरमेन्ट चार्ज:
बैंकले सम्भावित जोखिम व्यवस्थापनका लागि इम्पेयरमेन्ट चार्ज छुट्याउनु पर्छ। बैंकले इम्पेयरमेन्ट चार्जको रूपमा २ अर्ब ७९ करोड छुट्याएको छ। अघिल्लो आर्थिक वर्षमा बैंकले इम्पेयरमेन्ट चार्जको रूपमा ४ अर्ब ८७ करोड छुट्याएको थियो।
वितरणयोग्य मुनाफा:
असार मसान्तसम्म आइपुग्दा वितरणयोग्य मुनाफा ५ अर्ब ७८ करोड रुपैयाँ ऋणात्मक देखिएको छ।
प्रतिसेयर आम्दानी :
असार मसान्तसम्ममा बैंकको प्रतिसेयर आम्दानी १३ रुपैयाँ ०१ पैसा र प्रतिसेयर नेटवर्थ १७९ रुपैयाँ ०९ पैसा देखिएको छ।
प्रतिकृया