हिमालयन बैंकको वार्षिक साधारण सभा सम्पन्न, केके प्रस्ताव भए पारित ?

हिमालयन बैंक लिमिटेडको ३३औं वार्षिक साधारण सभा सम्पन्न भएको छ। बैंक सञ्चालक समितिका अध्यक्ष प्रचण्ड बहादुर श्रेष्ठको सभापतित्वमा सम्पन्न सभाले बैंक तथा बैंकका सहायक कम्पनीहरू समेतको एकीकृत वित्तीय विवरण पारित गरेको छ।

सभामा सञ्चालक समितिको तर्फबाट अध्यक्ष श्रेष्ठले आर्थिक वर्ष २०८१/०८२ को वार्षिक प्रतिवेदन प्रस्तुत गरेका थिए।

Ads

साधारण सभाले कम्पनी ऐन, २०६३ को दफा १११ बमोजिम आर्थिक वर्ष २०८२/०८३ का लागि वर्तमान लेखापरीक्षक सीए रञ्जीभ एन्ड एसोसिएटलाई पुनः नियुक्त गर्ने प्रस्ताव पारित गरेको छ।

यसैगरी नियामक निकायको निर्देशनअनुसार बैंकको पूँजी संरचनाको अनुपातमा सञ्चालक समितिको संरचना परिमार्जन गर्न आवश्यक कार्य गर्न सञ्चालक समितिलाई अख्तियारी दिने प्रस्ताव पनि सभाले सर्वसम्मतिले पारित गरेको छ।