नेपाल सरकारले संविधान दिवसको अवसरमा ‘नेसनल डे कन्सर्ट’ गर्ने भएको छ ।
प्रधानमन्त्री केपी शर्मा ओलीको संयोजकत्वमा प्रधानमन्त्री कार्यालय सिंहदरबारमा बसेको संविधान दिवश मूलसमारोह समितिको बैठकले नेसनल डे कन्सर्ट (राष्ट्रिय दिवस उत्सव) गर्ने निर्णय गरेको हो ।
नेपाल सरकारले सैनिक मञ्च टुडिखेलमा औपचारिक कार्यक्रम गरेपछि नारायणहिटि दरबार अगाडिको खुला स्थानमा नेसनल डे कन्सर्ट गर्न लागेको हो । नेपालका ख्यातिप्राप्त कलाकारहरुको प्रस्तुति रहने कार्यक्रममा नेपाल सरकारको पनि सहभागिता रहने बैठक पछि गृहमन्त्रालयका सचिव एक नारायण अर्यालले जानकारी दिए ।
त्यस्तै, सरकारले संविधान दिवशको अवशरमा निजि क्षेत्रलाई विभिन्न विषयमा छुट सहुलियत पनि दिने भएको छ । छुट सहुलियत दिने विषय छनौटको लागि सबै मन्त्रालयको सचिवहरु भएको एक उपसमिति बनाइएको पनि सचिव अर्यालले जानकारी दिए । सरकारले संविधान दिवशको बिभिन्न कार्यक्रमहरु अशोज २, ३ र ४ गते मनाउने निर्णय गरेको छ ।
यस्तै संविधान दिवसको मूल कार्यक्रम असोज ३ गते काठमाण्डौ लगायत प्रदेश स्तरमा र पालिका स्तरमा मनाउन समेत सरकारले आह्वान गरेको छ । दिवस मनाउने अवधिमा सरकारले गरेका राम्रा कामहरुको सार्वजनिक प्रसारण र प्रदर्शन गर्ने निर्णय पनि सरकारले गरेको छ ।
प्रतिकृया