लाभांश पारित गर्ने मुख्य एजेण्डासहित सानिमा बैंकको साधारणसभा भोलि बस्दै

सानिमा बैंकले आफ्नो २०औँ वार्षिक साधारणसभा भोलि मंसिर ४ गते बस्ने भएको छ । सभा काठमाडौंको भाटभटेनीस्थित आम्रपाली ब्यांक्वेटमा बिहान ११ बजे सुरु हुनेछ।

सभामा आर्थिक वर्ष २०८०/८१ का लागि हाल कायम चुक्तापुँजीको ५.२६३२ प्रतिशत बराबरको नगद लाभांश (करसहित) वितरण गर्ने प्रस्ताव पारित गर्नेछ। त्यस्तै, गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाहलगायत विवरणमा छलफल गरी पारित गर्नेछ ।

साधारण सभा प्रयोजनका लागि बैंकले कात्तिक २५ गते बुक क्लोज गरिसकेको छ। जस अनुसार कात्तिक २५ गतेसम्म कायम सेयरधनीहरू मात्रै लाभांश प्राप्त गर्न र सभामा सहभागी हुन योग्य हुनेछन्।