हिमालयन लघुवित्तको लाभांश घोषणा, बोनस र नगद कति ?

हिमालयन लघुवित्त वित्तीय संस्था लिमिटेडले गत आर्थिक वर्ष २०८२/८३ को मुनाफाबाट सेयरधनीलाई ५ प्रतिशत लाभांश वितरण गर्ने प्रस्ताव गरेको छ।

संस्थाको कात्तिक १३ गते शुक्रबार साँझ बसेको सञ्चालक समितिको २६२औँ बैठकले चुक्ता पुँजीको ४.७५ प्रतिशत बोनस सेयर र कर प्रयोजनका लागि ०.२५ प्रतिशत नगद लाभांश वितरण गर्ने प्रस्ताव गरेको हो।

Ads

Ads

Ads

संस्थाको हाल कायम चुक्ता पुँजी ३४ करोड १० लाख ८६ हजार ३५ रुपैयाँ ८४ पैसा रहेको छ। प्रस्तावित लाभांशअनुसार १ करोड ६२ लाख १ हजार ५८६ रुपैयाँ ७० पैसा बराबरको बोनस सेयर र ८ लाख ५२ हजार ७१५ रुपैयाँ ९ पैसा नगद लाभांश वितरण हुनेछ। दुवै गरी कुल १ करोड ७० लाख ५४ हजार ३०१ रुपैयाँ ७९ पैसा लाभांश वितरण गर्ने प्रस्ताव गरिएको छ।

उक्त लाभांश नेपाल राष्ट्र बैंकबाट स्वीकृत भई संस्थाको आगामी साधारणसभाबाट पारित भएपछि मात्रै वितरण हुनेछ।

Ads