दुई कम्पनीको लाभांश सुरक्षित गर्ने आज अन्तिम दिन, कुनले कति दिँदैछ बोनस र नगद ?

माउन्टेन इनर्जी नेपाल लिमिटेड र विन्ध्यवासिनी हाइड्रोपावर डेभलपमेन्ट कम्पनी लिमिटेडको प्रस्तावित लाभांश तथा बोनस सेयर सुरक्षित गर्ने आज कात्तिक ९ गते अन्तिम दिन रहेको छ। दुवै कम्पनीले साधारणसभा प्रयोजनका लागि भोलि कात्तिक १० गते बुक क्लोज गर्ने निर्णय गरेका छन्।

माउन्टेन इनर्जीको २१.०५२६३ प्रतिशत लाभांश

Ads

Ads

Ads

माउन्टेन इनर्जी नेपालले गत आर्थिक वर्षको मुनाफाबाट हाल कायम चुक्ता पुँजीको २१.०५२६३ प्रतिशत लाभांश वितरण गर्ने प्रस्ताव गरेको छ। यसमध्ये २० प्रतिशत बोनस सेयर र कर प्रयोजनका लागि १.०५२६३ प्रतिशत नगद लाभांश रहेको छ।

प्रस्तावित लाभांश पारित गर्न कम्पनीले कात्तिक २० गते १३औँ वार्षिक साधारणसभा बोलाएको छ। सभाबाट प्रस्ताव पारित भएपछि सेयरधनीले लाभांश प्राप्त गर्नेछन्।

विन्ध्यवासिनी हाइड्रोपावरको ५ प्रतिशत बोनस र १ः१ हकप्रद

Ads

विन्ध्यवासिनी हाइड्रोपावरले सेयरधनीलाई ५ प्रतिशत बोनस सेयर र बोनस सेयरमा लाग्ने कर प्रयोजनका लागि ०.२६३२ प्रतिशत नगद लाभांश वितरण गर्ने प्रस्ताव गरेको छ।

त्यस्तै, कम्पनीले हाल कायम सेयरको १ः१ अनुपातमा हकप्रद सेयर जारी गर्ने प्रस्तावसमेत गरेको छ। यी प्रस्ताव अनुमोदनका लागि कम्पनीले कात्तिक १८ गते दसौँ वार्षिक साधारणसभा बोलाएको छ।

सभामा ऋणपत्र जारी गर्ने, त्यसबाट प्राप्त रकम उपयोग गर्ने तथा कम्पनीको प्रबन्धपत्र संशोधन गर्ने प्रस्तावमाथि पनि छलफल हुनेछ।