दुई कम्पनीको लाभांश सुरक्षित गर्ने आज अन्तिम दिन, कुनले कति दिँदैछ लाभांश ?

Ads

मञ्जुश्री फाइनान्स र बरुण हाइड्रोपावरको प्रस्तावित लाभांश सुरक्षित गर्ने आज कात्तिक १० गते अन्तिम दिन रहेको छ। दुवै कम्पनीले साधारण सभा तथा लाभांश वितरण प्रयोजनका लागि कात्तिक ११ गते बुक क्लोज गर्ने भएका छन्। त्यसैले आजसम्म नेप्सेमा सेयर कारोबार भई कायम सेयरधनीले प्रस्तावित लाभांश प्राप्त गर्न सक्नेछन्।

मञ्जुश्री फाइनान्सले चुक्ता पुँजीको ५ प्रतिशत बोनस सेयर र कर प्रयोजनसहित १५ प्रतिशत नगद लाभांश वितरण गर्ने प्रस्ताव गरेको छ। कम्पनीको १९औँ वार्षिक साधारण सभा कात्तिक २० गते बिहान ११ बजे नयाँ बानेश्वरस्थित थापागाउँ ब्याङ्केटमा बस्नेछ।

Ads

त्यस्तै, बरुण हाइड्रोपावरले चुक्ता पुँजीको ४.७५ प्रतिशत बोनस सेयर र बोनस सेयरको कर प्रयोजनका लागि ०.२५ प्रतिशत नगद लाभांश वितरण गर्ने प्रस्ताव गरेको छ। कम्पनीको २३औँ वार्षिक साधारण सभा कात्तिक २० गते बिहान साढे ९ बजे काठमाडौंको शंखपार्कस्थित स्मार्ट दरबारमा बस्नेछ।

यो खबर पढेर तपाईलाई कस्तो महसुस भयो ?