नेकपा माओवादी केन्द्रले आज काठमाडौँको भृकुटीमण्डपमा सरकारका कदमको विरोधमा खबरदारी सभा गर्दैछ।
विपत् व्यवस्थापनमा सरकारको असंवेदनशीलता, सुशासन र सामाजिक न्यायका मुद्दामा लापरबाही, सार्वजनिक संस्थामा राजनीतिक हस्तक्षेप, महँगी र कालाबजारी नियन्त्रणमा सरकारको उदासीनता लगायतका विषयमा विरोध गर्न सभा गर्न लागेको माओवादीले जनाएको छ।
सभाअघि काठमाडौं मलबाट अध्यक्ष प्रचण्डको नेतृत्वमा जुलुस निकालिनेछ।
सभाले सहकारी पीडित, मिटरब्याज र लघुवित्त पीडितको समस्या समाधानमा आवाज उठाउनेछ। माओवादीले सरकारको प्रतिगामी गतिविधिविरुद्ध शान्तिपूर्ण रचनात्मक विरोध गर्ने बताएको छ।
प्रतिकृया