गुहेश्वरी मर्चेन्ट एण्ड फाइनान्सले २६ करोड बराबरको ऋणपत्र निष्काशन गर्ने

गुहेश्वरी मर्चेन्ट बैंकिङ एण्ड फाइनान्सले २६ करोड रुपैयाँ बराबरको ऋणपत्र निष्काशन गर्ने भएको छ ।

कम्पनीको असार ५ गते (बुधवार) बसेको सञ्चालक समितिको बैठकले नेपाल राष्ट्र बैंकको निर्देशन तथा बैंक तथा वित्तीय संस्थासम्बन्धी ऐनमा भएको व्यवस्थाबमोजिम १ हजार रुपैयाँका दरले २६ करोड रुपैयाँ बराबरको २ लाख ६० हजार इकाई डिबेन्चर निष्कासन गर्ने निर्णय गरेको हो ।

८ वर्षे अवधि रहने सो डिबेन्चरको ब्याजदर ९ प्रतिशत र ६/६ महीनामा भुक्तानी हुने गरी जारी गरिने छ। यस सम्बन्धमा अन्य नियमकीय प्रावधान पूरा गरी नेपाल राष्ट्र बैंकबाट स्वीकृत भएपश्चात डिबेन्चर निष्कासन गरिने कम्पनीले बताएको छ ।

#BajarkoChirfar #bazarkochirfar