आज संघीय संसदका तीन समितिको बैठक सिंहदरबारमा बस्दै

संघीय संसदका तीन समितिको बैठक आज सिंहदरबारस्थित संसद सचिवालयमा बस्नेछ। संघीय संसद सचिवालयका अनुसार राज्य व्यवस्था समिति, शिक्षा, स्वास्थ्य तथा सूचना प्रविधि समिति, र विधायन व्यवस्थापन समितिका बैठक हुनेछन्।

राज्य व्यवस्था समितिको बैठक दिउँसो १ बजे सुरु हुनेछ। बैठकमा संघीय निजामती सेवाको गठन, सञ्चालन, र सेवाका सर्त सम्बन्धमा व्यवस्था गर्न बनेको विधेयकमा संशोधन प्रस्तावकर्तासँग सांसदहरूले छलफल गर्ने कार्यक्रम रहेको छ।

Ads

Ads

Ads

शिक्षा, स्वास्थ्य तथा सूचना प्रविधि समितिको बैठक दिउँसो २ बजे सुरु हुनेछ। यस बैठकमा विद्यालय शिक्षा विधेयक, २०८० माथि दफावार छलफल हुनेछ।

विधायन व्यवस्थापन समितिको बैठक भने दिउँसो २:३० बजे सुरु हुने छ। यस बैठकमा नेपाल लेजिस्लेटिभ एकेडेमीसँग छलफल हुने कार्यक्रम छ।

तीनवटै बैठक महत्वपूर्ण विधेयक र विषयमाथि छलफल गर्नका लागि निर्धारण गरिएको छ।