एभरेष्ट बैंकको लाभांश सुरक्षित गर्ने आज अन्तिम दिन, कति दिँदैछ लाभांश ?

एभरेष्ट बैंक लिमिटेडको लाभांश सुरक्षित गर्ने आज अन्तिम दिन हो। बैंकले भोलि (असोज २४ गते) साधारण सभा र लाभांश वितरणका लागि बुकक्लोज गर्ने निर्णय गरेको छ। त्यसअनुसार आजसम्म नेप्सेमा कारोबार गरी नाममा सेयर कायम गरेका सेयरधनीहरूले बैंकको आगामी साधारण सभामा सहभागी हुन र लाभांश प्राप्त गर्न सक्नेछन्।

बैंकले ३१औं वार्षिक साधारण सभा कात्तिक १२ गते (बुधबार) बिहान ११ बजे आम्रपाली ब्यांक्वेट, भाटभटेनी, काठमाडौंमा आयोजना गर्ने भएको छ।

Ads

Ads

Ads

सभामा हाल कायम चुक्ता पूँजीको ६ प्रतिशत बोनस शेयर र सोको कर प्रयोजनका लागि १४ प्रतिशत नगद लाभांश वितरण गर्ने प्रस्ताव पेश गरिनेछ। साथै, बैंकको प्रबन्धपत्र तथा नियमावली संशोधन गर्ने र नयाँ लेखापरीक्षक नियुक्त गर्ने प्रस्तावहरू पनि सभामा पारित गरिनेछन्।