सर्वसाधारणले भुजुङ्ग हाइड्रोपावरको आईपीओ भर्ने आज अन्तिम दिन, अहिलेसम्म कति पर्यो आवेदन ?

Ads

भुजुङ्ग हाइड्रोपावर लिमिटेडले सर्वसाधारणका लागि निष्काशन गरेको प्राथमिक सेयर (आईपीओ) मा आवेदन दिने आज माघ १५ गते अन्तिम दिन रहेको छ। कम्पनीले माघ १२ गतेदेखि सर्वसाधारण लगानीकर्ताका लागि आईपीओ बिक्री खुला गरेको हो।

यसअघि कम्पनीले आयोजना प्रभावित स्थानीय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्काशन गरिसकेको छ। कम्पनीले ८ करोड ३० लाख रुपैयाँ बराबरको ८ लाख ३० हजार कित्ता साधारण सेयर सर्वसाधारण लगानीकर्ताका लागि निष्काशन गरिएको हो। आईपीओमा आवेदन दिँदा न्यूनतम १० कित्ता र अधिकतम ५० हजार कित्तासम्म आवेदन दिन सकिनेछ।

Ads

कम्पनीको सेयर निष्काशन तथा बिक्री प्रबन्धक कुमारी क्यापिटल लिमिटेड रहेको छ भने लगानीकर्ताले धितोपत्र बोर्डबाट स्वीकृति प्राप्त सम्पूर्ण सि–आश्वा सदस्य बैंक तथा वित्तीय संस्था तथा तिनका तोकिएका शाखामार्फत सि–आश्वा प्रणाली प्रयोग गरी आवेदन दिन सक्नेछन्।

सीडीएससीको तथ्यांकअनुसार बुधबार बेलुकासम्म भुजुङ्ग हाइड्रोपावरको आईपीओमा २१ लाख ४५ हजार १५६ जना आवेदकले आवेदन दिएका छन्। ती आवेदकहरूले जम्मा २ अर्ब ४९ करोड ३७ लाख ७ हजार रुपैयाँ बराबरको २ करोड ४९ लाख ३७ हजार ७० कित्ताका लागि आवेदन दिएका हुन्।

यो संख्या निष्काशन गरिएको सेयर संख्याको तुलनामा ३३.२८ गुणा बढी हो।