Ads

नेपाल प्रीमियर लीग स्पोन्सर गरेको सिद्धार्थ बैंकको नाफामा ५३ प्रतिशतको गिरावट, ईपीएस साँढे ८ रुपैयाँले घट्यो

Ads

सिद्धार्थ बैंक लिमिटेडले चालु आर्थिक वर्षको दोस्रो त्रैमाससम्म ५३ करोड २ लाख रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिको तुलनामा ५३.३६ प्रतिशतले कम हो। अघिल्लो वर्ष यस अवधिमा बैंकले १ अर्ब १३ करोड ६८ लाख रुपैयाँ नाफा कमाएको थियो।

इम्पेरमेन्ट चार्जको बढ्दा बैंकको नाफामा गिरावट देखिएको हो। बैंकको इम्पेरमेन्ट चार्ज १ अर्ब १८ करोड रुपैयाँबाट बढेर २ अर्ब २६ करोड ५१ लाख रुपैयाँ पुगेको छ। यता बैंकको ब्याज आम्दानी भने ०.३० प्रतिशतको बढेर भई ५ अर्ब ३३ करोड ५२ लाख रुपैयाँ पुगेको छ।

पुस मसान्तसम्म बैंकको कुल सञ्चालन आम्दानी ४.४० प्रतिशतले बढेको छ भने फि तथा कमिशनबाट हुने आम्दानी १८.६८ प्रतिशतले घटेको छ। जसकारण बैंकको सञ्चालन मुनाफा ५४.३७ प्रतिशतले घटेर २ अर्ब ५७ करोड ८९ लाख रुपैयाँमा सीमित भएको छ।

बैंकको चुक्ता पूँजी १४ अर्ब ८ करोड ९९ लाख रुपैयाँ छ भने जगेडा कोषमा १३ अर्ब ८९ करोड ३५ लाख रुपैयाँ सञ्चित छ। पुस मसान्तसम्म बैंकले २ खर्ब ४३ अर्ब रुपैयाँ निक्षेप संकलन गरी २ खर्ब ५ अर्ब रुपैयाँ कर्जा प्रवाह गरेको छ।

नाफामा घट्दा बैंकको प्रतिशेयर आम्दानी (ईपीएस) पनि घटेको छ। अघिल्लो वर्ष १६ रुपैयाँ १८ पैसा रहेको प्रतिसेयर आम्दानी ८ रुपैयाँ ६५ पैसाले घटेर यस वर्ष ७ रुपैयाँ ५३ पैसा मात्रै भएको छ। बैंकको प्रतिशेयर नेटवर्थ भने १९८ रुपैयाँ ६१ पैसा कायम रहेको छ।

पुस मसान्तसम्ममा बैंकको वितरणयोग्य मुनाफा ३६ करोड १९ लाख रुपैयाँ ऋणात्मक रहेको छ।