अब टीभीएस अपाचे मोटरसाइकलका ग्राहकहरुले २ वर्षसम्म नि:शुल्क स्पेयर पाट्र्स, इन्जिन आयल र सर्भिस गर्न पाउने
नेपालका लागि टीभीएस मोटरसाइकलको आधिकारिक वितरक जगदम्बा मोटर्स प्रा. लि. ले आफ्नो लोकप्रिय फ्ल्यागशिप मोडेलहरू टीभीएस अपाचे आरटीआर १६० ४V एफएमडी र अपाचे आरटीआर १६० २V बीटी का लागि नयाँ रोमाञ्चक अफर सार्वजनिक गरेको छ।
कम्पनीले ‘अनस्टपेबल फ्रिडम’ अफरमार्फत ग्राहकहरूलाई २ वर्षसम्म समस्या रहित र चिन्तारहित यात्रा अनुभव प्रदान गर्ने उद्देश्य राखेको छ। यो अफर अन्तर्गत बागमती, लुम्बिनी, र गण्डकी प्रदेशका ग्राहकहरू २ वर्षसम्म निःशुल्क स्पेयर पाट्र्स, इन्जिन आयल, र सर्भिस सुविधाको लाभ उठाउन सक्नेछन्।
टीभीएस अपाचे आरटीआर सिरिजले उन्नत रेसिङ प्रविधिको प्रयोग गर्दै ‘रेसिङ डीएनए अनलिश्ड’को सिद्धान्तलाई प्रतिबिम्बित गर्छ। उच्च प्रदर्शन, आकर्षक डिजाइन, र उत्कृष्ट ह्यान्डलिङका कारण यो बाइक शक्ति, सटिकता, र रोमाञ्चक यात्राका लागि उपयुक्त छ।
टीभीएसले ग्राहकहरूको सहजतालाई विशेष प्राथमिकता दिँदै चुनिएका सर्भिस स्टेसनहरू मार्फत ६० मिनेटभित्र स्पेयर पाट्र्स उपलब्ध गराउने व्यवस्था गरेको छ। काठमाडौं उपत्यकाका ग्राहकहरूले यो सुविधा उपभोग गर्न सक्नेछन्।
त्यसैगरी, टीभीएसले आफ्नो बाइक वा स्कुटरको खरिदमा आजीवन वारेन्टी पनि प्रदान गर्नेछ, जसले ब्रान्डप्रतिको विश्वास अझै बलियो बनाउने कम्पनीको विश्वास छ।
नेपालभर १४० भन्दा बढी डिलरहरूको बलियो वितरण सञ्जालका साथ जगदम्बा मोटर्सले टीभीएसलाई देशको सर्वाधिक रुचाइएको टू–ह्विलर ब्रान्डका रूपमा स्थापित गरेको छ। गुणस्तरीय उत्पादन, बिक्रीपछिको उत्कृष्ट सेवा, र सहज रूपमा उपलब्ध जगेडा पार्टपुर्जाहरूले ग्राहक सन्तुष्टिमा महत्त्वपूर्ण भूमिका खेलेको छ।
टीभीएससँग सम्बन्धित विशेष अफर र जानकारीका लागि ग्राहकहरूलाई कम्पनीले सहज पहुँच र सहयोगको व्यवस्था गरेको छ।