काठमाडौं महानगरपालिकाका मेयर बालेन्द्र शाह (बालेन) ले आफू गलत भए जेल हाल्न चुनौती दिएका छन्। महानगरका प्रमुख प्रशासकीय अधिकृत सरोज गुरागाईंविरुद्ध गठित छानबिन समितिको प्रतिवेदन सार्वजनिक गर्दै उनले यस्तो चुनौती दिएका हुन्।
बालेनले मंगलबार (चैत १२) बिहान आफ्नो फेसबुक पोस्टमार्फत सरकारमाथि भ्रष्टाचारलाई संरक्षण दिएको आरोप लगाउँदै भने, “यति धेरै कानुन मिच्ने, भ्रष्टाचारीलाई बचाउने सरकार अनि हामीले सुशासनको कुरा भाषणमा मात्रै सुन्नुपर्ने? माथिको कुरा गलत भए मलाई जेल हाल।”
काठमाडौं टावरको नक्सा अवैधानिक रूपमा पास गरेको आरोपमा मेयर बालेनले प्रमुख प्रशासकीय अधिकृत सरोज गुरागाईंलाई निलम्बन गरे।
छानबिन गर्न पुस १६ गते कानुनी सल्लाहकार शेखरप्रसाद पौडेलको संयोजकत्वमा समिति गठन भयो, तर उनको राजीनामासँगै समिति विघटन भयो। त्यसपछि पूर्वसचिव शंकर पाण्डेको नेतृत्वमा नयाँ समिति गठन गरियो, जसलाई थप समय दिइए पनि प्रतिवेदन बुझाउन नसक्दा बालेनले थप समय दिन अस्वीकार गरे।
अन्ततः तीन विभागीय प्रमुखलाई प्रतिवेदन तयार पार्न लगाइयो, जुन मंगलबार सार्वजनिक गरिएको छ।
![सेबोन अध्यक्ष भट्टले सार्वजनिक गरे पूँजी बजार विकासका १५ प्रमुख एजेन्डा [भिडियोसहित]](https://bajarkochirfar.com/wp-content/uploads/2026/07/89bc274a-9daf-4136-875c-cec0d72f8ee8-150x150.png)
प्रतिकृया