दुईबुँदे सहमति अनुसार गृहमन्त्रीमाथि छानबिन हुने माओवादीको दाबी

माओवादी उपमहासचिव वर्षमान पुनले भिजिट भिसाका नाममा भएको मानव तस्करी प्रकरणमा गृहमन्त्री रमेश लेखकले नैतिकता प्रदर्शन गर्न नसकेको टिप्पणी गरेका छन्। उनले गम्भीर आरोपसँग नाम जोडिएपछि राजीनामा दिनुपर्ने माग गरे पनि गृहमन्त्री तयार नभएको बताए।

पुनका अनुसार सरकारसँग भएको दुई बुँदे सहमतिमा भिजिट भिसा प्रकरणमा छानबिन समिति गठन र दोषीमाथि कारबाही गर्ने सहमति भएपछि संसदको अवरोध हटाइएको हो। उनले गृहमन्त्रीको सचिवालय र अध्यागमनका अधिकारीहरू संलग्न रहेको प्रारम्भिक प्रमाण देखिएको र छानबिनको दायरामा मन्त्री पनि पर्ने बताए।

Ads

Ads

Ads

छानबिन समिति एक महिनाभित्र नबने वा निष्पक्ष कारबाही नभए फेरि आन्दोलनमा उत्रिने चेतावनी पनि उनले दिए। साथै, रास्वपा पनि छानबिनको मागमा एकमत रहेको भन्दै राजीनामाको माग नगरेको स्पष्ट पारे।