कालीमाटी फलफूल तथा तरकारी बजारमा जागिर खाने अवसर

कालीमाटी फलफूल तथा तरकारी बजार विकास समितिले आफ्नो दैनिक कार्य सञ्चालनको लागि करारमा कर्मचारी माग गरेको छ। सोमबार प्रकाशित सूचना अनुसार, समितिले तह ६ का लागि २१ वर्ष पूरा गरेका, र तह ४ तथा तहविहीन कर्मचारी पदका लागि १८ वर्ष पुरा गरेका उम्मेदवारहरूलाई आवदेन गर्न आह्वान गरेको हो।

समितिको आवदेन प्रक्रियामा पुरुष उम्मेदवारहरूको उमेर सीमा ३५ वर्ष र महिला तथा अपाङ्गता भएका उम्मेदवारहरूको उमेर सीमा ४० वर्ष राखिएको छ। साथै, उम्मेदवारले भविष्यमा सरकारी सेवाबाट अयोग्य ठहरिने गरी बर्खास्तीको सजाय नपाएको, फौजदारी अभियोगमा अदालतले कसुरदार ठहर नगरेको र नैतिक पतन नदेखाएको हुनु आवश्यक छ।