खटाइएको ठाउँमा नपुगेका २३ कर्मचारीलाई गृह मन्त्रालयको २४ घण्टे उर्दी

गृह मन्त्रालयले सरुवा वा पदस्थापन भइसकेर पनि तोकिएको कार्यस्थलमा अहिलेसम्म नपुगेका २३ जना कर्मचारीलाई २४ घण्टाभित्र हाजिर हुन निर्देशन दिएको छ।

शुक्रबार एक सूचना जारी गर्दै मन्त्रालयले विभिन्न मितिमा सरुवा तथा पदस्थापन भइसकेका तर हालसम्म कार्यस्थलमा अनुपस्थित रहेका कर्मचारीहरूको नामावलीसमेत सार्वजनिक गरेको छ। मन्त्रालयका अनुसार तीमध्ये १८ जना शाखा अधिकृत र ५ जना नायब सुब्बा छन्।

Ads

Ads

Ads

कर्मचारी प्रशासन शाखाको निर्णयअनुसार सरुवा/पदस्थापन भएको एक महिनासम्म पनि हाजिर नभएका कारण २४ घण्टे उर्दी जारी गरिएको हो।

उक्त निर्णय मिति अनुसार हेर्दा, असार १६ गते सरुवा भएका १ जना, असार १८ का ७ जना, र साउन ७ का १० जना शाखा अधिकृतहरू छन्। यस्तै, साउन १८ गते सरुवा भएका ५ जना नायब सुब्बा पनि कार्यस्थलमा नपुगेको मन्त्रालयले जनाएको छ।

मन्त्रालयले आफ्नो वेबसाइटमार्फत आज उनीहरूको नामसहितको सूची सार्वजनिक गरेको हो।