स्वास्थ्य बीमा बोर्डले बीमितले वार्षिक एक लाख रुपैयाँ बराबरको उपचार सेवा पाउने व्यवस्था यथावत् रहेको स्पष्ट पारेको छ। बोर्डका अनुसार पाँच जनाभन्दा कम सदस्य भएको परिवारका लागि मासिक ३ हजार ५०० रुपैयाँ योगदान अनुसार वार्षिक एक लाख रुपैयाँसम्म सेवा सुविधा उपलब्ध छ।
बीमा रकमको संरचना अनुसार ५ हजार रुपैयाँ ओपिडी (OPD) सेवाका लागि र ७५ हजार रुपैयाँ अस्पताल भर्ना तथा आकस्मिक सेवाका लागि छुट्याइएको छ। पाँच जनाभन्दा बढी सदस्य भएको परिवारका लागि थप ओपिडी सेवा पाँच हजार रुपैयाँसम्म उपलब्ध गराइएको छ।
बोर्डले अनावश्यक ओपिडी प्रयोग र दोहोरो सेवा रोक्न तथा गम्भीर, जटिल वा ज्यान जोखिम हुने रोगको उपचारका लागि स्रोत सुनिश्चित गर्न बीमितले रकमको सही प्रयोग गर्न आग्रह गरेको छ।
विशेषज्ञहरूले भने कि हाल स्वास्थ्य बीमाको बजेटको ७० प्रतिशतभन्दा बढी हिस्सा सामान्य बिरामीको ओपिडी सेवामा खर्च भइरहेकाले गम्भीर रोग वा महँगो शल्यक्रियामा बीमाको रकम अपर्याप्त हुने र बिरामीले आफ्नै खर्च गर्नुपर्ने अवस्था सिर्जना भएको चेतावनी दिएका छन्।
प्रतिकृया