फर्स्ट माइक्रोफाइनान्स लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरणअनुसार लघुवित्तको खुद नाफा ७३.६४ प्रतिशतले बढेर १९ करोड ७ लाख रुपैयाँ पुगेको छ। अघिल्लो वर्षको सोही अवधिमा संस्थाले १० करोड ९८ लाख रुपैयाँ खुद नाफा कमाएको थियो।
लघुवित्तको सञ्चालन नाफामा भएको सुधारका कारण खुद नाफामा उल्लेखनीय वृद्धि भएको हो। यद्यपि समीक्षा अवधिमा इम्पेयरमेन्ट चार्ज ९४ लाख ३५ हजार रुपैयाँबाट बढेर ११ करोड ८६ लाख रुपैयाँ पुगेको छ। त्यसका बाबजुद सञ्चालन नाफामा भएको बलियो सुधारले नाफा बढाउन सहयोग गरेको देखिन्छ।
चौथो त्रैमाससम्ममा संस्थाको खुद ब्याज आम्दानी ७.४७ प्रतिशतले बढेर २२ करोड ७५ लाख रुपैयाँ पुगेको छ भने सञ्चालन आम्दानी ५.७९ प्रतिशतले बढेर २२ करोड ९४ लाख रुपैयाँ पुगेको छ। सञ्चालन नाफा पनि ७३.०५ प्रतिशतले बढेर २७ करोड २८ लाख रुपैयाँ पुगेको छ, जसले संस्थाको मुख्य व्यवसायबाट हुने आम्दानीमा सुधार आएको संकेत गर्छ।
समीक्षा अवधिमा लघुवित्तको खराब कर्जा अनुपात ०.९६ प्रतिशतबिन्दुले घटेर २.८८ प्रतिशतमा सीमित भएको छ।
यस अवधिमा संस्थाले ३ अर्ब ७६ करोड रुपैयाँ निक्षेप तथा सापटी परिचालन गरी ४ अर्ब ६६ करोड रुपैयाँ कर्जा प्रवाह गरेको छ। अघिल्लो वर्षको तुलनामा निक्षेप तथा सापटी २३.४१ प्रतिशत र कर्जा प्रवाह २३.०९ प्रतिशतले घटेको देखिन्छ।
Ads
लघुवित्तको वितरणयोग्य नाफा ५०.७६ प्रतिशतले बढेर १३ करोड ६२ लाख रुपैयाँ पुगेको छ। यस आधारमा वार्षिक वितरणयोग्य प्रतिसेयर आम्दानी १० रुपैयाँ १३ पैसा पुगेको छ, जुन अघिल्लो वर्ष ६ रुपैयाँ ७२ पैसा थियो। संस्थाको चुक्ता पूँजी १ अर्ब ३४ करोड रुपैयाँ रहेको छ भने जगेडाकोष ५० करोड १० लाख रुपैयाँ पुगेको छ।
प्रतिसेयर आम्दानी ६ रुपैयाँ १ पैसा बढेर १४ रुपैयाँ १८ पैसा पुगेको छ भने प्रतिसेयर नेटवर्थ १३७ रुपैयाँ २६ पैसा रहेको छ। साथै, कस्ट अफ फन्ड ६.२२ प्रतिशतबाट घटेर ४.७५ प्रतिशतमा झरेको छ भने आधार दर ७.५८ प्रतिशतबाट घटेर ६.४८ प्रतिशत कायम भएको छ। पूँजी कोष तथा जोखिमभारित सम्पत्ति अनुपात पनि २५.५९ प्रतिशतबाट बढेर ३५.४३ प्रतिशत पुगेको छ।
![थोरै पूँजीमा सफल व्यवसायी बन्ने शुत्र [भिडियोसहित]](https://bajarkochirfar.com/wp-content/uploads/2026/10/zHtv0UA8b78-maxresdefault-150x150.jpg)
प्रतिकृया