इष्टर्न हाइड्रोपावर लिमिटेडले १०० प्रतिशत हकप्रद सेयर निष्काशन गर्ने प्रस्तावसहित नवौँ वार्षिक साधारण सभा बोलाएको छ। कम्पनीको उक्त सभा पुस २७ गते काठमाडौंको बागबजारस्थित होटल हार्दिकमा बिहान ९ बजेदेखि सुरु हुनेछ।

साधारण सभाले हकप्रद सेयर निष्काशनसम्बन्धी प्रस्ताव पारित गर्नुका साथै कम्पनीको प्रबन्धपत्र संशोधन गर्ने विशेष प्रस्तावमा छलफल गर्नेछ। साथै सञ्चालक समितिमा संस्थापक समूहबाट ५ जना, सर्वसाधारण समूहबाट १ जना र स्वतन्त्र समूहबाट १ जना गरी कुल ७ जना सञ्चालकको निर्वाचन गर्ने एजेन्डा रहेको छ।

Ads

सभामा कम्पनीका अध्यक्षले प्रस्तुत गर्ने आर्थिक वर्ष २०८१/८२ को वार्षिक प्रतिवेदनमाथि छलफल गरी पारित गरिनेछ। त्यसैगरी, सोही आर्थिक वर्षको लेखापरीक्षण प्रतिवेदनसहित वासलात, नाफा–नोक्सान हिसाब, नगद प्रवाह विवरण तथा अनुसूचीहरू पनि अनुमोदन गरिनेछ।

यसका अतिरिक्त, आर्थिक वर्ष २०८२/८३ का लागि लेखापरीक्षक नियुक्ति गर्ने र निजको पारिश्रमिक निर्धारण गर्ने प्रस्ताव पनि सभामा पेश गरिनेछ।

साधारण सभा प्रयोजनका लागि कम्पनीले पुस २० गते एक दिनका लागि बुक क्लोज गर्ने निर्णय गरेको छ।