स्वावलम्बन लघुवित्तको १५% लाभांश राष्ट्रबैंकबाट स्वीकृत

स्वावलम्बन लघुवित्त वित्तीय संस्था लिमिटेडको प्रस्तावित १५% लाभांश नेपाल राष्ट्र बैंकले स्वीकृत गरेको छ।

स्वावलम्बन लघुवित्तले आर्थिक वर्ष २०८०–८१ को नाफाबाट १४.२५% बोनस सेयर र कर प्रयोजनका लागि  ०.७५% नगद लाभांश वितरण गर्ने निर्णय गरेको थियो।

कम्पनीको हालको चुक्तापूँजी १ अर्ब ४५ करोड रुपैयाँ रहेको छ। यस आधारमा, कम्पनीले २० करोड ६६ लाख २५ हजार रुपैयाँको बोनस सेयर र १ करोड ८ लाख ७५ हजार रुपैयाँको नगद लाभांश वितरण गर्नेछ।

अब यो प्रस्ताव आगामी वार्षिक साधारणसभामा पारित भएपछि सेयरधनीहरूले लाभांश प्राप्त गर्नेछन्।