धार्के–सितापाइला सडक खण्ड १५ दिन थप बन्द हुने

Ads

काठमाडौंको सीतापाइला र धादिङको धार्के जोड्ने सडक फेरि १५ दिनका लागि बन्द हुने भएको छ। जिल्ला प्रशासन कार्यालय धादिङले कात्तिक २३ गतेदेखि सडक बन्द गरिने जानकारी दिएको हो।

धार्के–ठूलोखोला खण्डमा दोस्रो लेयरको कालोपत्रे गर्ने काम जारी भएकाले यसअघि कात्तिक ४ गतेदेखि पनि यो सडक बन्द गरिएको थियो।

Ads

धादिङ जिल्ला प्रशासन कार्यालयले कात्तिक २१ गते जारी गरेको सूचनामा कात्तिक २३ देखि १५ दिनसम्म धार्के–सितापाइला सडक बन्द गरिने जनाएको छ।

यस अवधिमा एम्बुलेन्स, सुरक्षा निकायका सवारी र हलुका (चारपांग्रे) सवारी साधनबाहेक अन्य सबै प्रकारका सवारी साधनहरू पूर्ण रूपमा रोक्ने व्यवस्था गरिएको छ।

यात्रुहरूको लागि गल्छी–विदुर–छहरे–टोखा वा धार्के–नौबिसे–नागढुंगा सडकलाई वैकल्पिक मार्गको रूपमा प्रयोग गर्न अनुरोध गरिएको छ।