अपर तामाकोशी हाइड्रोपावरमा बाढी र पहिरोका कारण बन्द गरिएको क्षेत्रमा करोडौंको मूल्यका विभिन्न सामग्री चोरी भएको छ। गएको असोज ११ र १२ गतेको भीषण वर्षापछि आएको बाढी र पहिरोले क्षति पुर्याएको बाँधस्थलका कन्ट्रोल विल्डिङ र सेटलिङ बेसिन लगायतका संरचनाहरू मर्मतका क्रममा निकालिएका महत्वपूर्ण सामग्रीहरू चोरी भएको अपर तामाकोशी हाइड्रोपावर लिमिटेड कर्मचारी यूनियनले जनाएको छ ।
युनियनले सोमबार जारी गरेको एक विज्ञप्तिमा उल्लेख गर्दै, “आयोजनाबाट महत्वपूर्ण सामग्रीहरू शंकास्पद र रहस्यमयी ढङ्गबाट चोरी भएको जनाउँदै आवश्यक छानविन गरी दोषीउपर कडा कारबाही गर्न अनुरोध गरेको छ ।” तीनै तहको सुरक्षा घेराभित्र रहेको अवस्थामा विगतमा पनि आयोजनाका करोडौं करोड पर्ने क्रेनलगायत बहुमूल्य सम्पत्ति चोरी भएको युनियनले जनाएको छ ।
बाढीले बाँधस्थलका कन्ट्रोल विल्डिङ र सेटलिङ बेसिन जस्ता संरचनाहरूलाई क्षतिग्रस्त पारेपछि मर्मत कार्यको क्रममा जीर्ण भएका विद्युतीय उपकरण, तामा, फलाम, आल्मुनियम र अन्य धातुजन्य कवाडी सामग्रीहरू निकालिएको थियो। यिनै सामग्रीहरूको चोरी भएको र यसको कुल मूल्य करोडौं रुपैयाँ रहेको बताइएको छ।
’
प्रतिकृया