अपर तामाकोशी जलविद्युत केन्द्रको विद्युत उत्पादन बन्द

अपर तामाकोशी हाइड्रोपावर लिमिटेडले आफ्नो ४५६ मेगावाट क्षमताको माथिल्लो तामाकोशी जलविद्युत केन्द्रको विद्युत उत्पादन पूर्ण रूपमा बन्द गरेको छ।

असोज १२ गतेको अविरल वर्षा र पहिरोका कारण बाँधस्थलमा क्षति पुगेपछि विद्युत उत्पादन बन्द गर्नुपरेको कम्पनीले जनाएको छ। पहिरोले बाँधस्थलको ड्याम अपरेशनल कन्ट्रोल बिल्डिङ, सेट्लिङ बेसिन, बक्स कल्भर्ट, हाइड्रोमेकानिकल र इलेक्ट्रोमेकानिकल उपकरणहरू, ट्रान्समिशन लाइन, र बाँधस्थल प्रवेश मार्गजस्ता संरचनामा क्षति पुर्‍याएको कम्पनीले जनाएको छ।

Ads

Ads

Ads

कम्पनीका अनुसार, बाढीका कारण क्षति पुगेका संरचनाहरूको मूल्यांकन कार्य पूरा भइसकेको छ र पुनर्निर्माणको काम अघि बढाइएको छ।