यूनाइटेड अजोड इन्स्योरेन्स लिमिटेडको लाभांश पाउन भोलिसम्म सेयर किन्नुपर्ने

यूनाइटेड अजोड इन्स्योरेन्स लिमिटेडको लाभांश सुरक्षित गर्ने भोलि असार १८ बुधबार अन्तिम दिन रहेको छ। लाभांश र सभाको लागि कम्पनीले असार १९ गते बुक क्लोज गर्ने निर्णय गरेको छ। जसअनुसार, असार १८ गतेसम्म कायम सेयरधनीहरू मात्र सहभागी र लाभांश पाउनेछन्।

उक्त लाभांश पारित गर्न कम्पनीले आगामी असार ३० गते (सोमबार) बिहान १०:३० बजे काठमाडौंको भाटभटेनीस्थित अम्रपाली ब्याङ्क्वेटमा ३१औं वार्षिक साधारणसभा बोलाएको छ। सभामा हालको चुक्ता पूँजी २ अर्ब १० करोड रुपैयाँको १० प्रतिशत बोनस सेयर र ०.५२६३ प्रतिशत नगद लाभांश (कर प्रयोजन) वितरण प्रस्ताव पारित गरिनेछ।

Ads

Ads

Ads

बीमा प्राधिकरणको निर्देशन अनुसार चुक्ता पूँजी २ अर्ब ५० करोड पुर्‍याउन १० प्रतिशत हकप्रद सेयर निष्काशन प्रस्ताव परिमार्जन गरिनेछ। सभा मार्फत आर्थिक वर्ष २०७९/८० को वार्षिक प्रतिवेदन, लेखापरीक्षक नियुक्ति, सञ्चालक नियुक्ति, पारिश्रमिक र नियमावली संशोधनसम्बन्धी प्रस्तावहरू पारित गरिनेछन्।