तोकिएको खर्च सीमा र नियम उल्लंघन गर्दै सवारीसाधन खरिद गरेपछि सिवाईसी नेपाल लघुवित्तका सञ्चालकलाई राष्ट्र बैंकले गरायो सचेत

Ads

सिवाईसी नेपाल लघुवित्त वित्तीय संस्था लिमिटेडका सञ्चालक समिति राष्ट्र बैंकको कारबाहीमा परेका छन्। संस्थाले आर्थिक प्रशासनसम्बन्धी नियम र तोकिएको खर्च सीमाको पालना नगरी सवारीसाधन खरिद गरेको पाएपछि नेपाल राष्ट्र बैंकले सञ्चालकहरूलाई सचेत गराएको हो।

राष्ट्र बैंकको लघुवित्त संस्था सुपरिवेक्षण विभागका अनुसार संस्थाको सञ्चालक समितिले आर्थिक प्रशासन विनियमावलीमा तोकिएको खर्च सीमा र अख्तियारीको व्यवस्था पालना नगरी सवारीसाधन खरिद गरेको पाइएको छ।

Ads

उक्त विषयमा राष्ट्र बैंकले अध्यक्ष पद्मनाथ शर्मासहित सञ्चालकहरू प्रा.डा. तरुण पौडेल, लक्ष्मण खड्का क्षेत्री, जीवनप्रसाद पौडेल, सुमन घर्ती क्षेत्री, मुनादेवी खनाल र दिलीप पौडेललाई राष्ट्र बैंक ऐन, २०५८ को दफा १०० को उपदफा १(क) बमोजिम अबदेखि यस्ता कार्य नगर्न सचेत गराइएको हो।