नेपाल बिमा प्राधिकरणले इन्स्योरेन्स कम्पनीहरुलाई बिमा दाबी तथा भुक्तानीको जानकारी एसएमएस मार्फत बीमितलाई गराउन निर्देशन दिएको छ । प्राधिकरणले पुस ४ गतेको निर्णयानुसार निर्देशन जारी गरिएको जनाएको छ ।
प्राधिकरणले इन्स्योरेन्स कम्पनीहरुलाई बिमा दाबी निवेदन आएपछि दर्ता गरेर सोको जानकारी एसएमएस मार्फत बीमितलाई गराउन निर्देशन दिएको हो । निर्जीवन बिमाको क्षति मूल्यांकन गर्न सर्भेयर खटाएको तथा प्रतिवेदन प्राप्त भएको सूचना बीमितलाई गराउन पनि भनिएको छ ।
त्यस्तै, इन्स्योरेन्स कम्पनीहरुलाई बिमा दायित्वको रकम बिमितको बैंक खातामा डिजिटल माध्यमबाट भुक्तानी गर्न भनेको छ । लाइफ इन्सुरेन्स कम्पनीले दाबी भुक्तानी बापत् बीमितलाई भुक्तानी गर्नुपर्ने रकम दाखिला नगरेसम्म अन्य बिमालेखको रकम समायोजन गर्न नपाइने निर्देशनमा उल्लेख छ ।
प्रतिकृया