भोलिदेखि लगातार ३ दिन बन्द हुँदै सेयर बजार

Ads

सेयर बजार लगातार तीन दिन बन्द हुने भएको छ। भोलि असोज ९ गते शुक्रबारदेखि ११ गते आइतबारसम्म लगातार सार्वजनिक तथा साप्ताहिक बिदा परेकाले नेपाल स्टक एक्सचेन्ज (नेप्से) सहित सेयर बजार सञ्चालन नहुने भएको हो।

सरकारले इन्द्र जात्राको अवसरमा असोज ९ गते शुक्रबार काठमाडौं उपत्यकामा सार्वजनिक बिदा दिएको छ। संघीय राजधानी काठमाडौंमै नेप्सेको कार्यालय रहेकाले उपत्यकामा सार्वजनिक बिदा हुँदा सेयर बजार पनि बन्द रहनेछ।

Ads

त्यसपछि असोज १० गते शनिबार र ११ गते आइतबार नियमित साप्ताहिक बिदा परेकाले लगातार तीन दिन बजार बन्द हुनेछ। तीन दिनको बिदापछि असोज १२ गते सोमबारदेखि सेयर बजार नियमित रूपमा सञ्चालन हुनेछ।