भृकुटीमण्डपमा वर्षौंदेखि भाडा नतिरेका यी सटलहरूमा परिषद्ले ताला लगायो

काठमाडौंको भृकुटीमण्डपस्थित सटलहरूमा वर्षौंदेखि भाडा नतिरेपछि समाजकल्याण परिषद्ले आज ताला लगाएको छ। सुरक्षाकर्मीको सहयोगमा २० वटा सटलहरूमा ताला लगाइएको हो।

परिषद्का अनुसार सबैभन्दा बढी भाडा बक्यौता काठमाडौं उपत्यका सार्वजनिक पुस्तकालय समाजको रहेको छ। उक्त संस्थाले स्टल नम्बर ६८ र स्टल नम्बर ३४ दुवैको भाडा तिर्न बाँकी छ।

Ads

Ads

Ads

त्यसैगरी, राष्ट्रिय अपांग महासंघले पनि भाडा नतिरेको परिषद्ले जनाएको छ।

बालबालिकाका लागि गैरसरकारी संस्था महासंघ नेपाल (स्टल नं. ७४) ले पनि भाडा तिरेको छैन।

नेकपा एमाले निकट अनेरास्ववियु (अखिल) ले स्टल नम्बर ६० र ६१ भाडामा लिएर २०७७ सालदेखि अहिलेसम्म भाडा नतिरेको परिषद्को भनाइ छ।

Ads

त्यसैगरी नेपाल राष्ट्रिय मानव अधिकार संरक्षण मञ्च, रिपोर्टस क्लब नेपाल, उपभोक्ता मञ्च नेपाल, लोकतान्त्रिक सहिद तथा घाइते समाज र नेपाल पत्रकार महासंघ काठमाडौं शाखाले पनि भाडा तिर्न बाँकी रहेको छ।

अन्य संस्थाहरूमा सेन्थेसिस एक्जिबिसन एण्ड इभेन्ट्स, मनकला श्रेष्ठ जुत्ता पसल, टीकाराम सिटौला जुत्ता पसल, कृष्णप्रसाद लामिछाने जुत्ता पसल, यशोदाकुमारी सेठी खाजा पसल, हरि हमात्य खाजा पसल, नारायणकुमारी निरौला खाजा पसल, बुद्धिराम भुसाल खाजा पसल, मञ्जु तिमिल्सिना खाजा पसल, चित्रबदुर पण्डित क्षेत्री खाजा पसल तथा नेपाल फोटो पत्रकार महासंघले पनि भाडा नतिरेको परिषद्ले जनाएको छ।