नेपालमा आर्थिक वर्ष २०८०/८१ मा १५ विदेशी विद्युतीय सेवा प्रदायक कम्पनीहरूले सरकारलाई कुल ४१ करोड ७ लाख २० हजार रुपैयाँ कर तिरेको तथ्य महालेखा परीक्षकको ६२औँ वार्षिक प्रतिवेदनमा उल्लेख गरिएको छ।
नेपालको आर्थिक ऐन २०७९ को दफा २० अनुसार, विदेशमा अवस्थित विद्युतीय सेवा प्रदायकहरूले नेपालमा प्रदान गरेको सेवाको कारोबार मूल्यमा २ प्रतिशत दरले विद्युतीय सेवा कर तिर्नुपर्ने व्यवस्था छ। यी कम्पनीहरूले सो कानुनी प्रावधान अनुसार नेपाल सरकारलाई कर तिरेका हुन्। यसमा गुगल, मेटा, माइक्रोसफ्ट, अमेजन, लिंक्डइन जस्ता विश्व प्रसिद्ध कम्पनीहरू प्रमुख करदाता रहेका छन्।
आर्थिक वर्ष २०७९/८० मा मूल्य अभिवृद्धि कर सहित जम्मा १० करोड ८४ लाख २९ हजार रुपैयाँ मात्र कर सङ्कलन भएको थियो भने चालु वर्षमा यो रकम चार गुणा बढेको छ जुन वृद्धि उत्साहजनक मानिएको छ।
प्रतिकृया