पूर्वशिक्षा, विज्ञान तथा प्रविधिमन्त्री सुमना श्रेष्ठले आगामी स्थानीय तह निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गरेकी छन्। उनले बुधबार आफ्नो आधिकारिक फेसबुक पेजमार्फत उम्मेदवारी घोषणा गर्दै काठमाडौंको समृद्धि, सुशासन र रूपान्तरणका लागि आफ्नो ज्ञान, सीप र अनुभव समर्पित गर्ने बताएकी छन्।
एमआईटीबाट एमबीए गरेकी श्रेष्ठले अमेरिकामा बोस्टन कन्सल्टिङ ग्रुप र सिटीग्रुपमा काम गरेकी थिइन्। २०७९ को प्रतिनिधिसभा निर्वाचनमा राष्ट्रिय स्वतन्त्र पार्टीबाट समानुपातिक सांसद बनेकी उनी शिक्षा, विज्ञान तथा प्रविधिमन्त्रीसमेत बनेकी थिइन्। उनले २०८२ भदौमा रास्वपा परित्याग गरेकी थिइन्।


प्रतिकृया